Kafedra professor-o‘qituvchilari respublikamiz va chet eldagi bir qancha ilmiy markazlar bilan aloqalar o‘rnatganlar. Jumladan, Isroil davlatidagi MASHAV International Agricultural Training Center xalqaro o‘quv markazi, Moskva yer tuzish universiteti, Finlandiyaning JAMK universiteti, Latviya tabiiy fanlar va texnologiyalar universiteti, Litva Qishloq xo‘jaligi akademiyasi, Qarshi muhandislik va iqtisodiyot instituti professor o‘qituvchilari bilan hamkorlikda ilmiy tadqiqotlar olib bormoqdalar va o‘quv-uslubiy majmualar yaratilmoqda. O‘zbekiston Respublikasi Iqtisodiyot va Moliya vazirligi huzuridagi Kadastr agentligi, “O‘zdavyerloyiha” Davlat Ilmiy Loyihalash Instituti, “Davlat kadastrlari palatasi” bilan hamkorlikda ilmiy tadqiqot ishlari olib borilmoqda. Hamkorlik natijasida talabalar ishlab chiqarish korxonalarida malakaviy va ishlab chiqarish amaliyotlarini o‘taydilar, ilmiy maqolalar, o‘quv qo‘llanmalar va doktorlik dissertatsiyalari tayyorlamoqda. Kafedra oʻzining butun faoliyatini respublikamizning qator oliy oʻquv yurtlaridagi soxaga yaqin kafedralar, davlat idoralari, yirik ilmiy loyixalash tashkilotlari bilan doimiy xamkorlikda olib bormoqda, negaki u chiqaruvchi kafedra sifatida mamlakatimiz iqtisodiyoti, ijtimoiy hayoti va tarmoqlarda resurslardan foydalanish barqarorligini taʼminlovchi “Kadastr (faoliyat turlari boʻyicha)” taʼlim yoʻnalishi boʻyicha bakalavrlar, tayyorlamoqda. Xususan, bu taʼlim yoʻnalishiga 2020-yildan qabul boshlandi hamda 2023/2024 oʻquv yilida kafedrada 47 nafar “Kadastr” taʼlim yoʻnalishida bakalavrlari bitiradilar. Kafedrada umumiy hisobda 150 dan ortiq bakalavrlar tayyorlanmoqda. Yuqorida keltirilgan kadrlarni tayyorlashda biz bilan kadrlar buyurtmachilari, “Kadastr agentligi” va uning viloyatlardagi boshqarmalari, Davlat kadastrlari palatasi, uning viloyat boshqarmalari va tuman boʻlimlari, “Oʻzdaverloyixa” Davlat ilmiy loyixalash instituti hamda filiallari bilan doimiy xamkorlik qilib kelinmoqda. Kafedrani bitirgan talabalar mehnat faoliyatini aynan mazkur tashkilotlarda yuritishlari nazarda tutilgan. “Kadastr (faoliyat turlari boʻyicha)” taʼlim yoʻnalishining yuqori bosqich talabalari oʻzlarining ishlab chiqarish va bitiruv malakaviy ishi oldi amaliyotlarini aynan ushbu korxonalarda oʻtashadi. Bu borada ular bilan tegishli shartnomalar kelishilgan. Bulardan tashqari qator talabalar ishlab chiqarishda malakalarini oshirish istagida darslardan boʻsh vaqtlarida mazkur tashkilotlarda ish oʻrganmoqdalar. Bundan tashqari, kafedraning professor-oʻqituvchilari oʻzlarining amaliy malakalarini oshirib borishlari uchun 1 yoki 2 xaftalik stajirovkalar sifatida ushbu korxonalarga doimiy tashrif buyurib turishadi, ishlab chiqarishda bajarilayotgan ishlar bilan doimiy tanishib borishadi. Buning uchun kafedra va “Kadastr agentligi”, Davlat kadastrlari palatasi, shuningdek va “Oʻzdaverloyiha” Davlat ilmiy loyihalash institutlari bilan 5 yillik oʻzaro xamkorlik shartnomalarini imzolangan. Kafedrani xorijiy mamlakatlardagi oliy oʻquv yurtlari bilan ham xamkorlik aloqalari yoʻlga qoʻyilgan. Kafedrani Qarshi iqtisodiyot muxandislik institutining soha boʻyicha kafedrasi bilan, Samarqand davlat arxitektura va qurilish universiteti sohaga oid kafedralari bilan ham hamkorlik aloqalari mavjud.

Kafedrani xamkorlik aloqalari